RESMA: ახალი ხედვა უძრავი ქონების გაყიდვებისა და მარკეტინგის მართვაში

Opinions expressed by Entrepreneur contributors are their own.

You're reading Entrepreneur Georgia, an international franchise of Entrepreneur Media.

საერთაშორისო სასტუმრო ინდუსტრიაში დაგროვილი 20-წლიანი გამოცდილების შემდეგ, ნინა ასათიანმა საკუთარი პროფესიული ცოდნისა და მენეჯერული მიდგომების უძრავი ქონების სფეროში გამოყენება გადაწყვიტა და 2025 წელს კომპანია RESMA დააფუძნა. კომპანიის მთავარი მიზანია, დეველოპერებს შესთავაზოს არა მხოლოდ მარკეტინგული მომსახურება, არამედ გაყიდვების მართვის კომპლექსური, შედეგზე ორიენტირებული სისტემა.

როგორ იქცა საერთაშორისო გამოცდილება ახალი ბიზნესის შექმნის საფუძვლად, რა განასხვავებს RESMA-ს ტრადიციული მარკეტინგული სააგენტოებისგან და რა განსაზღვრავს დეველოპერული პროექტების კომერციულ წარმატებას, ამ და სხვა საკითხებზე RESMA-ს დამფუძნებელი, ნინა ასათიანი გვესაუბრება.

თქვენი პროფესიული გზა 20 წელზე მეტს ითვლის. როგორ დაიწყო თქვენი კარიერა და რა გამოცდილება მიიღეთ საერთაშორისო სასტუმრო ბრენდებში?

ჩემი პროფესიული გზა 2005 წელს, სასტუმრო ინდუსტრიაში დაიწყო. წლების განმავლობაში ვთანამშრომლობდი ისეთ საერთაშორისო ბრენდებთან, როგორებიცაა Marriott, Courtyard by Marriott, Radisson Blu, Hotels and Preference და Biltmore.

ამ გამოცდილებამ ჩემს პროფესიულ განვითარებაში მნიშვნელოვანი როლი შეასრულა. სწორედ ამ პერიოდში საფუძვლიანად გავეცანი მომსახურების მაღალ სტანდარტებს, მომხმარებლის ქცევისა და საჭიროებების გააზრების მნიშვნელობას, ბრენდის სწორ პოზიციონირებას, გაყიდვების პროცესების მართვასა და გუნდების ეფექტიან ორგანიზებას.

სასტუმრო ინდუსტრიაში მუშაობისას დავრწმუნდი, რომ წარმატება მხოლოდ ხარისხიან პროდუქტსა თუ მომსახურებაზე არ არის დამოკიდებული. არანაკლებ მნიშვნელოვანია, როგორ წარუდგენ პროდუქტს მომხმარებელს, როგორ ქმნი მისთვის ღირებულებას, როგორ აყალიბებ ნდობას და რამდენად სწორად მართავ პროცესს, რომელიც საბოლოო გადაწყვეტილების მიღებამდე მიდის.

რა გამოცდილება გადმოიტანეთ სასტუმრო ბიზნესიდან უძრავი ქონების სფეროში?

სასტუმრო ინდუსტრიასა და უძრავი ქონების სფეროს ერთი მნიშვნელოვანი საერთო მახასიათებელი აქვს, ორივე შემთხვევაში გადამწყვეტ როლს მომხმარებლის ნდობა და გადაწყვეტილების მიღების პროცესის სწორად მართვა ასრულებს.

სასტუმრო ბიზნესში მიღებულმა გამოცდილებამ მასწავლა, როგორ უნდა შეიქმნას მომხმარებლის საჭიროებებზე მორგებული შეთავაზება, სწორად განისაზღვროს სამიზნე აუდიტორია და ეფექტიანად წარიმართოს გაყიდვების გუნდის საქმიანობა.

უძრავი ქონების სფეროში ეს ცოდნა განსაკუთრებით მნიშვნელოვანია, რადგან მომხმარებელი ერთ-ერთ ყველაზე მნიშვნელოვან ფინანსურ გადაწყვეტილებას იღებს. ასეთ დროს მხოლოდ პროდუქტის შეთავაზება საკმარისი არ არის. აუცილებელია ბაზრის საფუძვლიანი ცოდნა, პროფესიონალური კომუნიკაცია, მომხმარებლის საჭიროებების სწორად შეფასება და თანმიმდევრული მუშაობა, პირველადი ინტერესის გამოხატვიდან გარიგების წარმატებით დასრულებამდე.

სწორედ ეს მიდგომა, რომელიც მომხმარებელთან გრძელვადიანი ურთიერთობისა და ნდობის ჩამოყალიბებას ეფუძნება, სასტუმრო ინდუსტრიიდან უძრავი ქონების სფეროში გადმოვიტანე.

რატომ გადაწყვიტეთ 2025 წელს უძრავი ქონების სფეროში გადასვლა და საკუთარი კომპანიის შექმნა?

2025 წელს გადავწყვიტე, მრავალწლიანი პროფესიული გამოცდილება ახალ სფეროში გადმომეტანა და საკუთარი ბიზნესის შექმნის მიზანი განმეხორციელებინა.

საქართველოს უძრავი ქონების ბაზარზე დავინახე შესაძლებლობა, შემექმნა კომპანია, რომელიც დეველოპერებს მხოლოდ სარეკლამო მომსახურებას კი არ შესთავაზებდა, არამედ აქტიურად ჩაერთვებოდა გაყიდვების სრული პროცესის დაგეგმვასა და მართვაში. სწორედ ამ ხედვის საფუძველზე შეიქმნა RESMA.

ჩემთვის თავიდანვე მნიშვნელოვანი იყო, რომ RESMA დეველოპერული კომპანიებისთვის რეალური სტრატეგიული პარტნიორი გამხდარიყო, პარტნიორი, რომელიც პროექტის კომერციულ განვითარებაში მისი პოზიციონირებისა და სტრატეგიის განსაზღვრის ეტაპიდან ჩაერთვებოდა და გაყიდვების ორგანიზებასა და შედეგების მართვაზეც იმუშავებდა.

RESMA-ს მთავარი უპირატესობა სწორედ ამ კომპლექსურ მიდგომასა და პროცესებში პირად ჩართულობაშია. მჯერა, რომ დეველოპერული პროექტის წარმატებისთვის აუცილებელია პროფესიონალური გაყიდვების გუნდი, რომელსაც კარგად ესმის მყიდველის საჭიროებები, შეუძლია ნდობის მოპოვება, ეფექტიანი კომუნიკაცია, მოლაპარაკების სწორად წარმართვა და პოტენციური მომხმარებლის ინტერესის რეალურ გარიგებად გარდაქმნა.

ამიტომ ჩვენი საქმიანობა მხოლოდ მარკეტინგული კამპანიების დაგეგმვით არ შემოიფარგლება. ჩვენთვის მნიშვნელოვანია გაყიდვების მთელი პროცესის გამართულობა და კონკრეტულ შედეგზე ორიენტირებული მუშაობა.

რას სთავაზობს RESMA დეველოპერულ კომპანიებს და რით განსხვავდება თქვენი მომსახურება ჩვეულებრივი მარკეტინგული სააგენტოსგან?

RESMA დეველოპერულ კომპანიებს გაყიდვებისა და მარკეტინგის მართვის ერთიან, კომპლექსურ სისტემას სთავაზობს.

ჩვენი თანამშრომლობა პროექტის საფუძვლიანი შესწავლით იწყება. პირველ ეტაპზე ვაანალიზებთ მის კონკურენტულ უპირატესობებს, ბაზარზე არსებულ გარემოს, სამიზნე აუდიტორიასა და კომერციულ მიზნებს. მიღებული ინფორმაციის საფუძველზე განვსაზღვრავთ პროექტის პოზიციონირებას, ვაყალიბებთ გაყიდვების სტრატეგიას და ვგეგმავთ შესაბამის მარკეტინგულ აქტივობებს.

თუმცა, ჩვეულებრივი მარკეტინგული სააგენტოსგან განსხვავებით, ჩვენი საქმიანობა სარეკლამო კამპანიების დაგეგმვითა და განხორციელებით არ სრულდება.

პროექტის კომერციული წარმატება დიდწილად დამოკიდებულია იმაზე, რამდენად პროფესიონალურად და სისტემურად არის ორგანიზებული გაყიდვების პროცესი.

განსაკუთრებით მნიშვნელოვანია ძლიერი გაყიდვების გუნდის არსებობა, რომელიც საფუძვლიანად იცნობს პროდუქტსა და ბაზარს, სწორად აფასებს პოტენციური მყიდველის საჭიროებებს, ეფექტიანად მართავს კომუნიკაციას და პროფესიონალურად წარმართავს მოლაპარაკებებს.

RESMA აქტიურად მონაწილეობს გაყიდვების გუნდის ფორმირებაში, სამუშაო პროცესების ორგანიზებასა და მართვაში, ასევე მიღებული შედეგების მონიტორინგსა და შეფასებაში.

ჩვენი მიზანია, დეველოპერმა მიიღოს არა მხოლოდ მარკეტინგული მომსახურება, არამედ სრულფასოვანი, გამართული და შედეგზე ორიენტირებული გაყიდვების სისტემა, რომელიც პროექტის კომერციულ წარმატებას ემსახურება.

რამდენად მნიშვნელოვანია პროექტის დაწყების ადრეულ ეტაპზე გაყიდვებისა და მარკეტინგის სწორი სტრატეგიის განსაზღვრა?

ჩემი აზრით, ეს პროექტის წარმატებისთვის ერთ-ერთი ყველაზე მნიშვნელოვანი ეტაპია. თუ პროექტის პოზიციონირება, სამიზნე აუდიტორია, საფასო პოლიტიკა და გაყიდვების გეგმა თავიდანვე სწორად არ განისაზღვრა, მოგვიანებით დაშვებული შეცდომების გამოსწორება გაცილებით რთული ხდება და დამატებით რესურსებსაც მოითხოვს.

პროექტის განვითარების ადრეულ ეტაპზე ჩართულობა დეველოპერს საშუალებას აძლევს, უკეთ შეაფასოს პროდუქტის რეალური კონკურენტული უპირატესობები, სწორად განსაზღვროს მისი ადგილი ბაზარზე, ჩამოაყალიბოს გაყიდვების რეალისტური მიზნები და წინასწარ დაგეგმოს მათ მისაღწევად საჭირო რესურსები.

განსაკუთრებით მნიშვნელოვანია, რომ მარკეტინგი და გაყიდვები თავიდანვე ერთიანი სტრატეგიის ფარგლებში დაიგეგმოს. ეს ორი მიმართულება ერთმანეთისგან დამოუკიდებლად არ უნდა განიხილებოდეს, რადგან მათი ეფექტიანი კოორდინაცია პირდაპირ აისახება პროექტის კომერციულ შედეგებზე.

როგორ უდგებით კონკრეტული უძრავი ქონების პროექტის ბაზარზე პოზიციონირებას?

პირველ რიგში, საფუძვლიანად ვსწავლობთ თავად პროექტსა და იმ საბაზრო გარემოს, რომელშიც მისი რეალიზაცია უნდა განხორციელდეს.

ვაანალიზებთ პროექტის ადგილმდებარეობას, პროდუქტის ძირითად მახასიათებლებს, საფასო პოლიტიკას, კონკურენტულ გარემოსა და პოტენციური მყიდველების საჭიროებებსა და მოლოდინებს.

ამ ანალიზის საფუძველზე განვსაზღვრავთ, რა წარმოადგენს პროექტის რეალურ კონკურენტულ უპირატესობას, რით გამოირჩევა ის ბაზარზე არსებული სხვა შეთავაზებებისგან და როგორ უნდა მივაწოდოთ ეს ინფორმაცია შესაბამის სამიზნე აუდიტორიას.

ჩემთვის მნიშვნელოვანია, რომ პოზიციონირება მხოლოდ მიმზიდველი სარეკლამო გზავნილის შექმნას არ გულისხმობდეს. ის უნდა ეფუძნებოდეს პროექტის რეალურ ღირებულებას და თანმიმდევრულად აისახებოდეს როგორც მარკეტინგულ კომუნიკაციაში, ისე გაყიდვების პროცესში.

გაყიდვების გუნდმა ზუსტად უნდა იცოდეს, რა არის პროექტის მთავარი უპირატესობა და როგორ უნდა წარუდგინოს ის პოტენციურ მყიდველს. საბოლოოდ, ყველა საკომუნიკაციო არხი და გაყიდვების არგუმენტაცია ერთიან, მკაფიო და დამაჯერებელ გზავნილს უნდა ემსახურებოდეს.

თქვენი აზრით, რა როლი აქვს პროფესიონალურ გაყიდვების გუნდს უძრავი ქონების პროექტის წარმატებაში?

მარკეტინგი და გაყიდვები ერთმანეთისგან განცალკევებით ეფექტიანად ვერ იმუშავებს. მარკეტინგის მთავარი ფუნქცია სწორი სამიზნე აუდიტორიის მოზიდვა და პროდუქტის მიმართ ინტერესის გაჩენაა, თუმცა საბოლოო კომერციულ შედეგს დიდწილად გაყიდვების პროცესის ხარისხი განსაზღვრავს.

შესაძლოა, ეფექტიანმა სარეკლამო კამპანიამ ბევრი დაინტერესებული მომხმარებელი მოიზიდოს, მაგრამ თუ გაყიდვების გუნდი არაპროფესიონალურად მუშაობს, ეს შესაძლებლობა რეალურ შედეგში ვერ აისახება.

უძრავი ქონების შეძენა მომხმარებლისთვის მნიშვნელოვანი ფინანსური გადაწყვეტილებაა, რომლის მიღებასაც ხშირად ხანგრძლივი განხილვა და სხვადასხვა ფაქტორის შეფასება სჭირდება.

სწორედ ამიტომ გაყიდვების გუნდის წევრებს მოეთხოვებათ არა მხოლოდ პროდუქტის საფუძვლიანი ცოდნა, არამედ მომხმარებლის საჭიროებების გააზრება, ნდობის ჩამოყალიბების უნარი, პროფესიონალური კომუნიკაცია, მოლაპარაკებების ეფექტიანად წარმართვა და მომხმარებელთან სისტემური ურთიერთობის შენარჩუნება.

RESMA განსაკუთრებულ ყურადღებას უთმობს გაყიდვების გუნდის სწორად შერჩევას, ორგანიზებასა და მართვას.

ჩვენთვის მნიშვნელოვანია არა მხოლოდ პოტენციური მომხმარებლების, ანუ ლიდების რაოდენობა, არამედ ისიც, რამდენად ეფექტიანად მიმდინარეობს მათთან მუშაობა, რამდენი მათგანი გადადის რეალურ მოლაპარაკებაზე და საბოლოოდ რამდენი დაინტერესებული მომხმარებელი ხდება მყიდველი.

სწორედ ამ პროცესის ეფექტიანი მართვა განაპირობებს მარკეტინგული აქტივობების რეალურ კომერციულ შედეგს.

რა გამოწვევებს ხედავთ დღეს საქართველოს უძრავი ქონების ბაზარზე?

საქართველოს უძრავი ქონების ბაზარი აქტიურია და კონკურენციაც თანდათან იზრდება. ასეთ გარემოში დეველოპერული კომპანიებისთვის სულ უფრო მნიშვნელოვანი ხდება არა მხოლოდ ხარისხიანი პროექტის შექმნა, არამედ მისი სწორად პოზიციონირება, კონკურენტებისგან გამორჩევა და გაყიდვების პროცესის ეფექტიანი მართვა.

დღეს მომხმარებელს არჩევანის ფართო შესაძლებლობა აქვს. შესაბამისად, მხოლოდ ზოგადი სარეკლამო კომუნიკაცია და პროდუქტის სტანდარტული წარდგენა საკმარისი აღარ არის.

აუცილებელია მკაფიო პოზიციონირება, მომხმარებლისთვის გამჭვირვალე და სრულყოფილი ინფორმაციის მიწოდება, პროფესიონალური გაყიდვების გუნდის არსებობა და პოტენციურ მყიდველთან მუდმივი, ხარისხიანი კომუნიკაცია.

ამასთანავე, ერთ-ერთ მნიშვნელოვან გამოწვევად მიმაჩნია ბაზარზე მიმდინარე ცვლილებებზე დროული რეაგირება.

დეველოპერულმა კომპანიებმა მუდმივად უნდა გააანალიზონ საბაზრო ტენდენციები, კონკურენტული გარემო და მომხმარებელთა ქცევა, რათა საჭიროების შემთხვევაში დროულად მოახდინონ გაყიდვებისა და მარკეტინგის სტრატეგიის კორექტირება.

თანამედროვე კონკურენტულ გარემოში წარმატებისთვის აუცილებელია მოქნილობა, სისტემური მიდგომა და პროცესების მუდმივი შეფასება.

როგორ ფიქრობთ, რა არის მთავარი ფაქტორი, რომელიც დეველოპერულ კომპანიას კონკურენტულ გარემოში წარმატების მიღწევაში ეხმარება?

ჩემი აზრით, წარმატების მთავარი საფუძველი ხარისხიანი პროდუქტის, სწორად განსაზღვრული სტრატეგიისა და პროფესიონალი ადამიანების ერთობლიობაა.

რა თქმა უნდა, მნიშვნელოვანია ხარისხიანი დეველოპერული პროექტი, მისი სწორი პოზიციონირება და კონკურენტული ფასი, თუმცა ამ ყველაფერს ეფექტიანი გაყიდვების სისტემა და პროფესიონალური გუნდი უნდა ამყარებდეს.

გაყიდვების პროცესი უნდა იყოს ორგანიზებული, გაზომვადი და მუდმივად კონტროლირებადი. მხოლოდ მარკეტინგული აქტივობების განხორციელება და დაინტერესებული მომხმარებლების მოზიდვა საკმარისი არ არის.

დეველოპერმა ზუსტად უნდა იცოდეს არა მხოლოდ ის, რამდენი პოტენციური მომხმარებელი ინტერესდება მისი პროექტით, არამედ ისიც, რამდენი მათგანი გადადის რეალურ მოლაპარაკებაზე, როგორ ვითარდება მათთან კომუნიკაცია და საბოლოოდ რამდენი ხდება მყიდველი.

ამ მონაცემების მუდმივი ანალიზი და გაყიდვების პროცესის სწორად მართვა კომპანიას საშუალებას აძლევს, დროულად გამოავლინოს არსებული გამოწვევები, გააუმჯობესოს მუშაობის ეფექტიანობა და მიაღწიოს კონკრეტულ კომერციულ შედეგებს.

სწორედ პროდუქტის, სტრატეგიისა და პროფესიონალური გუნდის თანმიმდევრული, კოორდინირებული მუშაობა ქმნის კონკურენტულ უპირატესობას და უზრუნველყოფს პროექტის წარმატებას.

როგორია RESMA-ს სამომავლო ხედვა და რა მიმართულებით აპირებთ განვითარებას?

ჩემი მიზანია, RESMA ჩამოყალიბდეს დეველოპერული კომპანიებისთვის სანდო სტრატეგიულ პარტნიორად, რომელიც პროექტის კომერციულ წარმატებაზე პასუხისმგებლობას პროცესის ყველა ეტაპზე იზიარებს.

გვსურს, საქართველოს უძრავი ქონების ბაზარზე დავამკვიდროთ გაყიდვებისა და მარკეტინგის მართვის უფრო სისტემური, პროფესიული და შედეგზე ორიენტირებული კულტურა.

მნიშვნელოვანია, დეველოპერულმა კომპანიებმა გაყიდვები და მარკეტინგი აღიქვან არა როგორც ერთმანეთისგან დამოუკიდებელი მიმართულებები, არამედ როგორც ერთიანი სისტემა, რომლის თითოეული კომპონენტი საერთო კომერციული მიზნის მიღწევას ემსახურება.

მჯერა, რომ ხარისხიანი პროდუქტი და ეფექტიანი რეკლამა წარმატების მნიშვნელოვანი წინაპირობაა, თუმცა მხოლოდ ეს საკმარისი არ არის. აუცილებელია პროფესიონალური გაყიდვების გუნდი, გამართული სამუშაო პროცესები, მომხმარებელთან სწორი და თანმიმდევრული კომუნიკაცია, გაყიდვების მუდმივი მონიტორინგი და ეფექტიანი მართვა.

სწორედ ამ პრინციპებზე დაფუძნებული საქმიანობით გვინდა, RESMA დეველოპერული კომპანიებისთვის ისეთ პარტნიორად ჩამოყალიბდეს, რომელიც მათ არა მხოლოდ პროექტის ბაზარზე წარდგენაში, არამედ რეალური კომერციული შედეგების მიღწევაშიც დაეხმარება.